Qırım uquq qorçalayıcı gruppasınıñ reberi Olğa Skrıpnık ve "Adalet teşebbüsi" fondunıñ tesisçisi, 31 ay devamında "DNR" gruppirovkasınıñ quvetçiletiniñ esirliginde bulunğan Stanislav Asaleyev, Danimarkanıñ Poul Lauritzen Foundation fondunıñ Freedom Award 2024 halqara mukâfatınıñ laureatları oldılar.
Skrıpnık qara qış ayınıñ 17-nde Facebook saifesinde bu aqqında haber etti.
Qara qış ayınıñ 16-nda Kopenhagendeki Danimarkanıñ tirenüv müzeyinde mukâfatlandı.
Bu mukâfat uquq qorçalayıcılarnıñ telüke ve havf şaraitinde insan aqlarını qorçalavğa qoşqan issesini ve insan aqları ve serbestlik qıymetlerine sadıqlığını tanımaq içün berile.
Mukâfatlandıruvda çıqışını Qırım uquq qorçalayıcısı, rus işğali altındaki vatandaş esirleri ve ukrainlerge bağışladı.
"Bu mukâfat menim içün Rusiye tarafından işğal etilgen topraqlarda vatandaşlarımıznıñ qaramanlıq qarşılığı içün de bir mukâfatdır", - dep Skrıpnık qayd etti.
“Radio Svonoda”nıñ mühbiri bildirdi ki, Kopenhagen tedbirinde işğalciler tarafından Qırımda tutulıp alınğan ve "casuslıq"ta qabaatlanıp, 5 yılğa maküm etilgen serbest jurnalist Vladıslav Yesıpenko da bir qaç kere añıldı.
Telegram, WhatsApp ve Facebookta Suspilne Qırım haberlerine abune oluñız
