Hersonda QMC ve Sevastopol (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı, Qırım balıq hocalığı agentliginiñ sabıq işğalli yolbaşçısına şübe bildirdi. Onı devlet hainligiUkraina CQniñ 111-nci maddesiniñ 1-nci qısmınde qabaatlaylar, 15 yılğa qadar apis cezasını ve mal-mülkniñ musadere etilmesini közde tuta.
Qara qış ayınıñ 16-nda Qırım Muhtar Cumhuriyeti ve Sevastopol (Aqyar) şeeriniñ prokurorlığı bu aqqında haber etti.
Taqiqatnıñ malümatına köre, 2014 senesine qadar şübeli adam Zaporijjâ vilâyetinde suv bioresurslarını qoruv, qullanuv ve ğayrıdan tiklev idaresiniñ reisiniñ muavini olıp çalışqan edi. Yarımada işğal etilgen soñ, o, Rusiye tarafını añlı şekilde aldı. 2014 senesi saban ayında qanunsız referendum keçirilgen soñ Qırım Cumhuriyetiniñ balıq hocalığı agentliginiñ başı vazifesini aldı.
Prokurorlıq, bu vazifede şübeli işğalli akimiyetniñ vekili vazifelerini eda etkenini, istilâcı devlet organlarınıñ işine yardım etkenini ve Ukrainağa qarşı bozuv faaliyetinde yardım etkenini bildirdi.
Makeme oña 757 biñ ğrıvnâ kefalet berüv imkânınen nezaret altında tutuv şeklinde sıñırlav tedbirini sayladı.
Telegram, WhatsApp ve Facebookta Suspilne Qırım haberlerine abune oluñız
