Qara qış ayınıñ 15-nde işğal etilgen Qırımda 18 yıl apis cezasına maküm etilgen siyasiy mabüs Memet Belâlovnıñ 65 yaşındaki babası Reşat Belâlov vefat etti. Qara qış ayınıñ 14-nde aqşam onı hastahanege alçaq basım ve yürek ağrısınen ketirdiler.
Qırımtatar jurnalisti, siyasiy mabüsi Seyran Saliyevniñ ömür arqadaşı Mümine Saliyeva Facebook saifesinde bunı bildirdi.
"Saba saat 4:30ta o, ömür arqadaşı Zekiye tatasına telefon etti, olar laf ettiler. Eki afta evelsi o 65 yaşına yetti. Qırımnıñ itibarlı aqsaqallarından biri. Ayatımıznıñ er bir qısmındab ütünley paylaşqanımız toplu tedbirler, makemeler, dualar, halqımıznıñ quvançlı ve kederli vaqiaları", — dep qayd etti o.
Saliyeva, cenaze vaqtı ve yeri aqqında soñra haber etilecek, dep qoştı.
Читати ще
Telegram, WhatsApp ve Facebookta Suspilne Qırım haberlerine abune oluñız
