Rusiye işğalli akimiyeti Sevastopol (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini sanki terroristik areket azırlağanı ve çetel devletinen işbirlik yapqanı içün 11 yılğa üküm etti. Soñki ay içinde bu Qırım sakinlerin4 nisbeten sekizinci üküm oldı.
"Tribunal. Qırım epizodı" bu aqqında haber etti.
İşğalli taqiqatçılarnıñ bildirgenine köre, 2023 senesi küzde Sevastopol (Aqyar) sakini Ukraina Havfsızlıq hızmetiniñ resmiy elektron poçtasına mektüp yazıp, işbirlik yapmağa teklif etti. Onıñ aytqanına köre, oña eki demiryol sızığını ateşke bermege emir etildi. Amma dava tafsilâtları aydınlatılmay.
Uquq qorçalayıcılarnı, demiryollardaki diversiyalarda qabaatlanğan Qırım sakinleriniñ çoqusı apiske alınğanı qasevetlendire.
"Makeme Rostov-na-Donu şeerinde keçirildi. Halqara gumanitar uquq normalarına köre, Ğorpınçenkonı işğal etilgen topraqlarda yerli makemede makeme etmek kerek edi. Tek bu işarette Cenübiy bölgeniñ arbiy makemesiniñ makemecisi İğor Kostin arbiy cinayetler cedveline daa bir qısım qoşa. Bundan evel o, demiryolda diversiyada qabaatlağan sekiz Qırım sakini ve ukrainalı (Barannık gruppası) üzerinde makeme esnasını başlağanınen belli edi", — dep yazdı neşir.
Telegram, WhatsApp ve Facebookta Suspilne Qırım haberlerine abune oluñız
