"Ateş" arbiy-partizan areketi istihbarat yapıp bildirdi ki, Qırımdaki "Ğvardiyske" ("SarabuzRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad'') ava limanı yanında ava mudafaası sistemalarınıñ (AMS) ve S-400 uçuruv aleti ve radiolokatsiya stantsiyalarınıñ çoqlaşqanı qayd etildi.
Bunı "Ateş" öz Telegram kanalında yazdı.
Areketniñ qayd etkenine köre, ava limanı Ukrainanıñ cenübinde Rusiye ordusınıñ ava destegi ve teminatında müim rol oynay.
"Qayd etemiz ki, işğalciler Qırımğa müim arbiy obyektlerini qorçalamaq içün qoşma Ava mudafaası sistemaları vastalarını kirsettiler, böyleliknen, cebeniñ diger qısımlarını açtılar. Bu, olarnıñ mudafaasınıñ zayıf olğanını, em de Qırımdaki arbiy obyektleriniñ emiyetini köstere", — dep aytıla haberde.
Partisanlar toplağan bütün malümatnı Ukraina mudafaa quvetlerine berdiler.
Telegram, WhatsApp ve Facebookta Suspilne Qırım haberlerine abune oluñız
