Rusiye makemesi Sevastopol (AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini "UHHUkraina Havfsızlıq hızmeti tarafından demiryollarda terakt azırlağanı"nda qabaatladı. O, sert rejimli müstemlekede 11 yıl üküm etildi.
Bunı Rusiye Federatsiyasınıñ Qırımdaki FSB idaresi bildirdi, dep yazdı RİA "Novosti Krım".
İşğalli müessiseniñ malümatına köre, 29 yaşındaki yerli sakin 2023 senesi berim ayında Ukraina havfsızlıq hızmetinen gizli işbirlik qurmaq maqsadınen bağ qurdı.
"Yañı mahsus hızmetniñ vazifesi olaraq, adam, mahsus donatmalarnı ateşke bererek, demiryol naqliyatınıñ işini bozacaq edi. Bu iş içün o, mütehassıslardan para alıp, yaqqan malzeme satın aldı. Lâkin cinayetçi niyetini kerçekleştiremedi, çünki cinayet yerinde tutuldı", — dep Rusiye quvetçileri añlattılar.
Rusiye Federatsiyasınıñ Cenübiy bölgeniñ arbiy makemesi onı bir qaç maddege binaen qabaatladı, şu cümleden "Çetel devleti, halqara ya da çetel teşkilâtınen gizli şekilde işbirlik yapmaq", "Terroristik areket yapmaq azırlavı" maddelerine binaen.
Adamğa sert rejimli müstemlekede 11 yıl apis cezası berildi, birinci üç yılnı apishanede keçirmeli, bir yıl azatlıqtan marum qaldı.
Telegram, WhatsApp ve Facebookta Suspilne Qırım haberlerine abune oluñız
