Qırımnıñ Rusiye ordusı tarafından işğali vaqtında ğayıp olğan 24 insan aqqında iç bir malümat yoq. Olarnıñ çoqusı — tamır qırımtatar halqınıñ vekilidir.
Qırımtatar Maaliy Merkezi (QMM) bu aqqında haber berdi.
QMMniñ qayd etkenine köre, ğayıp olğanlarnıñ umumiy sayısından 18 insan — tamır qırımtatar halqınıñ vekilleridir.
Şimdiki malümatımızğa köre, işğal etilgen Qırımda ğayıp olğanlar arasında:
Abduramanov Rizvan.
Aliyev Arsen.
Aliyev Server.
Alâutdinov Marsel.
Apselâmov Eskender.
Aripov Şevket.
Arislanov Muhtar.
Bondarets İvan.
Vaşçuk Valeriy.
Ganiyev Ruslan.
Cepparov İslâm.
Zinedin Seyran.
İbragimov Ervin.
İslâmov Cevdet.
Kapliyenko Maksım.
Klapova Katerına.
Kostenko Fedir.
Soliyev Farhad.
Suyunov Arsen.
Terehov Arlen.
Çernış Vasıl.
Şaymardanov Timur.
Şevketov Marlen.
Şemşedinov İsmail.
"Yazıq ki, de-facto Kreml kontrolindeki Qırım akimiyeti bu adiselerniñ sanki taqiq etilüvini köstergenine baqmadan, Rusiye BMniñ Baş Assambleyasınıñ A/RES/71/205 qararına binaen işğalci devlet olaraq tanıldı ve oña bu topraqta insan aqlarına riayet etüv mesüliyeti berildi. QMMniñ hadimleri ve mütehassısları BM, OSCE, AŞPAnıñ halqara meydançıqlarında defalarca halqara toplulıqqa insan aqlarınıñ bozuluvı aqqında malümat berdiler", — dep QMM qayd etti.
QMM, Ukrainanıñ işğal etilgen topraqlarında insan hırsızlavı aqqında malümat tarqatmaq müimligini qayd etti.
"Rusiye Federatsiyasınıñ cinayeti aqqında erte bildirüvniñ misali olaraq, İsmail Şemşedinovnıñ vaziyeti ola. Elbette, başta tuvğanları susqan ediler, amma ana-babaları ve başqa soy-sopları bütün Rusiye işğalli ve quvet qurulışlarını qıdırıp, ziyaret etip başlağanda, olarğa iç bir tevqif, tintüv, yaqalav olmağanını aytmağa başladılar. Bu adamnıñ bulunğan yeri alâ daa belli degil", — dep QMM qoştı.
Telegram, WhatsApp ve Facebookta Suspilne Qırım haberlerine abune oluñız
