Qara qış ayınıñ 7-nci sabası Rusiye, "Kalibr" qanatlı raketasınıñ taşıyıcısı olğan bir gemisini Qara deñizge arbiy hızmetke yolladı. Buña baqmadan, onıñ raketaları yoq.
Ukraina SQniñ Arbiy-deñiz quvetleriniñ matbuat hızmeti Telegramda bunı bildirdi.
Azaq deñizinde işğalcilerniñ gemileri qayd etilmedi. Aq deñizde ise yedi duşman gemisi bar, olardan ekisi — umumen 22 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine yedi gemi keçti. Qara deñizge ise beş gemi keçti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Suspilne saytınen tecribeñizni paylaşıp, bizge daa yahşı olmağa yardım etiñiz. Beş daqqa vaqıt alacaq bu qısqa bir soravdan keçiñiz. Teşekkürler!
Telegram, WhatsApp ve Facebookta Suspilne Qırım haberlerine abune oluñız
