Ukraina Mudafaa nazirliginiñ Baş istihbarat idaresiniñ Group 13 mahsus bölüginiñ "Trındadtsâtıy" çağıruvınen komandanı, Qara deñizde tarihiy ava-deñiz küreşiniñ tafsilâtlarını aydınlattı — 2024 senesi ilk qış ayınıñ 30-nda deñizde Magura V5 dronlarından raketa ücümleri vastasınen Qara deñizde Rusiye Federatsiyasınıñ eki vertolötı yoq etilip, ve bir vertolötına zarar ketirildi.
Ukrain istihbaratçısı "TSN.Tıjden"ge bergen intervyusında bunı ayttı.
"Bu operatsiyada, bizim vazifemiz, er vaqıt olğanı kibi, uçaqlardan saqlanmaq degil edi. Biz, hususan, ava maqsadlarını qıdıra edik. Biz duşmanımıznen körüşmek içün ilhamnen tolu edik", — dedi o.
"Trındadtsâtıy" (''On üçünci'' — terciman), işğalcilerniñ olarnı qayd etkenlerini añlattı.
"Bizni kördiler. Biz işke başladıq. Bizim yanımızda olğan eñ çoq şey, anda uçqan Su-ğa baqmadan, üç verotötımız bar edi", — dep añlattı.
Onıñ aytqanına köre, tapılğan duşman maqsadına raketanen ücüm etmek mümkün olğanı qadar tez yapılmalı.
"Helikopter pek tez kele. Eger siz onı kameralarda körseñiz, kelişikli bir yerge kelip, ücüm yapmaq içün bir daqqa yeter", — dep istihbaratçı añlattı.
İlk ücümde Group 13 operatorları duşman vertolötını urıp oldılar: Rusiye ekipajı ne olğanını bile añlamadı — ava qapqanlarını ateşledi, soñ Qara deñizge tüşti.
"Amma soñra, belli bir vaqıt keçken soñ, ekincisi zarar körgenini tasdıqladılar. Umumen, eki yoq etildi ve bir zarar kördi", — dep istihbaratçı bildirdi.
Telegram, WhatsApp ve Facebookta Suspilne Qırım haberlerine abune oluñız
