İşğal etilgen Qırımda bediiy gimnastikası boyunca ukrain olimpik çempionı Katerına Serebrânskanıñ babası, futbol sport ustası Oleg Serebrânskıy vefat etti. 1970 seneleri o, kiyev "Dinamo"-sınıñ tarafında oynay edi.
Bunıñ aqqında onıñ qızı, qara qış aynıñ 5 öz Facebook saifesinde bildirdi.
O, 2024 senesi ilk qış aynıñ 29 ölgen. Serebrânskanıñ sözlerine köre, babasınen vedalaşuv, qara qış aynıñ 6 saat 10:00-nda işğal etilgen Qırımda Aqmescitteki (Simferopol)Rusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı 1-ci Abdal yerli mezarlığınıñ territoriyasında olğan Dmıtro Sulınskıy kilsesinde ötkerilecek.
"Şimdi tek teşkiliy malümatnı yazam, çünki ğayip sebebinden pek ağır. Amma babamnen şahsen vadalaşıp olamağanım ve RF-na kirmege yasağı sebebinden kelip olamağanım içün daa ağır", – qayd etti o.
Aqmescit asılı olğan Katerına Serebrânska – Ukrainanıñ sport ustası ve bediiy gimnastikasında olimpik çempionıdır. O, 1996 senesi Atlanttaki Olimpik oyunlarında altın medalnı qazanğan, üç yıl soñra sport karyerasınıñ soñuna kelgeni aqqında bildirdi.
Bundan soñ Serebrânska, anası Lübovnen beraber sağlıq içün ilk "Serebrânskilerniñ studiyası" adlı bala gimnastika mektebini açqan. Gimnastika boyunca sport ustası olğan anası, 2003 senesi onkologiya sebebinden can bergen.
1972 senesi Oleg Serebrânskıy, genç futbolcı olıp kiyev "Dinamo"-sına davet etilgen. Anda yaş taqımınıñ tarafında oynay edi, onıñ terkibinde dublörlarnıñ arasında Şuralar Birliginiñ çempionatında eki sefer ğalebe qazanğan. 1980 senelerniñ başında bu vaqıtqa qadar aqmescitlilerniñ yolbaşçılardan biri olıp Serebrânskıy, "Tavriya"-dan kiyev "Dinamo"-sına qaytqan.
1983 senesiniñ mevsimi, onıñ içün eñ muvafakiyetli olğan. "Dnipro", öz tarihında ilk sefer Şuralar Birliginiñ çempionı olğan, yarım qoruyıcı özü ise – 9 gol berüvini berip taqımınıñ eñ yahşı assistenti olğan ve 45 daqiqa içide "Nistr"-ge qarşı uruşında klub rekordını tayin etip ortaqlarğa 5 neticeli berüvini alıp bergen.
Sport karyerasını bitirgen soñ Serebrânskıy, aqmescitteki OYMBYM-niñ oquv işleri müdiri olıp çalışqan edi, "Tavriya"-nıñ ekinci taqımınıñ ve Qırımnıñ yaşlar cıymasınıñ idmancısı edi. 1990 senelerniñ başında ömür arqadaşınen beraber Aqmescitteki "Gratsiya" bediiy gimnastika mektebiniñ teşkil etilmesinde iştirak etken edi, eki yıl soñra onıñ müdiri olğan.
Telegram, WhatsApp ve Facebookta Suspilne Qırım haberlerine abune oluñız
