Kiyevdeki Şevçenko rayon makemesi, Qırımnıñ işğalinden soñ yarımadada rusiye qanuniyetine köre bala lagerini resmiyleştirgen ukrain iş adamını kolaborant faaliyetindeUkraina CK 111-1 m. 4 q. qabaatlı dep tanığan. Qabaatlı, eki yıl sınav müddetinen beş yıllıq şartlı olaraq cezasını alğan.
Bunıñ aqqında makemeniñ ükümine atıf etip Jurnalist tahqiqatlarnıñ merkezi bildire.
Makeme tayin etkeni kibi, Rusiye Federatsiyası ile Qırımnıñ qanunsız işğalinden soñ qabaatlanılğan, Aluştadaki raatlıq bala lagerini rusiye qanuniyetine köre resmiyleştirip onıñ hocalıq faaliyetini devam etken.
Dava malümatlarına köre, 2014-2021 seneler içinde lager, vaqtınca işğal etilgen territoriyalarında teşkil etilgen iş hanelerinen işdeşlikte bulunıp işğal memuriyetlerinden devlet sımarışlarnı alıp qabaatlanılğanınıñ nezareti astında çalışqan edi. 2022 senesi lager, qanunsız terkiplernen hocalıq munasebetlerniñ çerçivelerinde çalışaraq öz faaliyetini devam etken.
Qabaatlanılğan, öz qabaatını tanıp prokurornen öz añlaşmasını tizgen. Onı eki yıllıq sınav müddetinen cezasından marum etip beş yılğa azatlıqtan marum ettiler. Bundan da ğayrı, on yıl içinde raatlıq lagerlerniñ faaliyetinen bağlı hocalıq terkiplerde teşkil etici üleştirüv vazifelerine ait olğan vazifelerde bulunmağa yasaq.
Makeme qararı, öz qanuniy quvetini daa almağan.
Telegram, WhatsApp ve Facebookta Suspilne Qırım haberlerine abune oluñız
