İlk qış ayınıñ 31-ne keçer gecesi işğal etilgen Qırım toprağı üzerinde Ava mudafaası sisteması (AMS) 17 uçucısız uçaq aletini urdı.
Rusiye Mudafaa nazirligi Telegramda bunı bildirdi.
Aqyarda (Sevastopolda) bir sıra patlav oldı. AMS, deñiz üzerinde bir qaç ava maqsadını ve deñiz dronını urdı, dep bildirdi Aqyarnıñ işğalli memuriyetiniñ yolbaşçısı Mihail Razvojayev.
"Qırım yeli" Telegram kanalınıñ yazğanına köre, uçucısız uçaq aletleriniñ ücümi sebebinden körfezde yanğın çıqtı. Daa soñra kanal, Kozaça körfezi rayonında "Tor" Rusiye zenit-raketa sistemaları yoq etilgenini bildirdi. Ukraina komandanlığı tarafından resmiy tasdıq yoq edi.
İşğalli Telegram kanallarınıñ bildirgenine köre, gece yarısında şeerge ücüm etken arbiy uçucısız uçaq aletleri ücüm etti. AMSnıñ çalışması ve büyük patlavlar aqqında haber etile edi.
Telegram, WhatsApp ve Facebookta Suspilne Qırım haberlerine abune oluñız
