Ukraina kontrolindeki topraqlarnıñ sakinleri, Rusiye işğali altında, şu cümleden muqavemet kösterip turğan Qırımda, yaşağan ukrainlerge qol tutmaq içün "Ukraina vaqtına köre bayram etemiz" adlı fleşmobnı teşkil ettiler.
İlk qış ayınıñ 30-nda Telegram kanalında "Sarı şerit" işğalge qarşı cemaat areketi bu aqqında haber etti.
Bu teşebbüsni MUR taqımı başlattı.
"Bu, işğal altındaki insanlarnıñ emiyeti aqqında hatırlatuv. Olar muqavemet köstereler ve Ukrainanıñ qaytmasını bekleyler. "Sarı Şerit" areketiniñ faalcileri, Ukraina mıtlaqa qaytacağını ve vaqtınca işğal etilgen topraqlar ukrain bayrağı altında olacağını er kes kibi bileler!" — dep qayd ettiler areketniñ koordinatorları.
Aynı zamanda işğal etilgen Qırımda faalciler de "biz barmız, biz çoqmız, biz er vaqıt ve er yerdemiz, bizim tatilimiz ve raatlıq künlerimiz yoq, tek küreş ve serbestlik irademiz bar", dep hatırlatalar "Sarı Şerit" koordinatorları.
Hususan, ilk qış ayınıñ 30-nda Aqmescitteki (Simferopoldaki) baş narat yanında ukrain tarafdarı aktsiyası keçirildi. Bundan ğayrı, şeerniñ Puşkin soqağında ukrain bayraqlarınen stikerler tarqatıldı.
Hatırlatamız ki, daa evel "Sarı şeriti" areketiniñ faalcileri Ukraina bayrağını Baydar yaylasınıñ eñ yüksek noqtası olğan işğal etilgen Qırımnıñ Aqyar (Sevastopol) civarında yerleşken İlyas Qaya massivinde köterdiler.
Telegram, WhatsApp ve Facebookta Suspilne Qırım haberlerine abune oluñız
