Biñlernen Qırım sakini şimdilik Ukraina Silâlı quvetleriniñ mahsus bölükleri, UHHUkraina havfsızlıq hızmeti, BİİBaş İstihbarat İdaresi ve deñiz piyadesiniñ erkânında buluna. Olarnıñ çoqusı cenkleşkenini aytmay, çünki qorantaları vaqtınca işğal etilgen Qırımda qalalar.
Suspilne Qırımğa bergen intervyusında Ukraina halq mebusı Tamila Taşeva bunı ayttı.
"Qırım sakinleri ve qırımtatarlar çeşit ordularda: mahsus bölüklerde, UHH, Bİİ, deñiz piyadesi ve reberlikte bulunalar. Bu biñlernen Qırımdan kelgen adam cenkleşe. İnsanlarnıñ çoqusı, teessüf ki, artıq kökümizni tuta, yani olar elâk oldılar. Amma bu pek qaraman oğlanlar ve qızlar. Biz olarğa Ukraina içün cenkleşkenleri ve evge qaytmaq imkânı içün teşekkür bildirmelimiz", — dedi mebus.
O şunı da qayd etti ki, tamır halqınıñ vekilleri olğan qırımtatarlar şimdi Donetskte de bulunalar.
"Çoq belli olğan bölük Noman Çelebicihan adına 48-nci ayrı ücüm batalyonıdır. Anda çoqusı qırımtatar ola. Şimdi olar Donetskte cenkleşeler", — dep qoştı Taşeva.
Bütün intervyunı Suspilne Qırımnıñ YouTube kanalında seyir etiñiz.
Telegram, WhatsApp ve Facebookta Suspilne Qırım haberlerine abune oluñız
