İlk qış ayınıñ 27-nci sabası Rusiye Qara deñizge bir gemisini arbiy hızmetke yolladı, o umumen 4 "Kalibr" qanatlı raketasınıñ taşıyıcısıdır. Azaq deñizinde ise işğalcilerniñ gemileri qayd etilmedi.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aq deñizde ise sekiz rusiye gemisi bar, olardan üçü — umumen 26 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından iç bir gemi keçmedi.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
