İlk qış ayınıñ 26-ncı sabası Rusiye Qara deñizge bir gemisini arbiy hızmetke yolladı, o "Kalibr" qanatlı raketalarınıñ taşıyıcısıdır. Azaq deñizinde ise işğalcilerniñ gemileri qayd etilmedi.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aq deñizde ise sekiz rusiye gemisi bar, olardan üçü — umumen 25 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine beş gemi keçti, olardan biri İstanbul boğazına areket etti. Qara deñizge eki gemi keçti, biri ise İstanbul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
