Ukrainada 2025 senesi qara qış ayınıñ 12-27 künleri "Vikipediya" onlayn-entsiklopediyasını toldurmaq marafonı keçirilecek. O, resursnıñ qırımtatar versiyasınıñ 17 yıllığına bağışlana. Marafon, saytta derc etilgen malümatnıñ keyfiyetini ve sayısını arttırmaq maqsadınen teşkil etildi.
Ukraina Prezidentiniñ Qırımdaki Temsilciliginiñ matbuat hızmeti bunı bildirdi.
O qayd etti ki, qırımtatar "Vikipediyası" unikal missiyasını yerine ketire, medeniy diplomatiya aleti, tasil ve halqara dialog platforması ola. Qırımtatar tilinde aman-aman 30 biñ maqale bar.
"Qırımtatarca "Vikipediya" qırımtatar tilinde yekâne onlayn entsiklopediya olıp, onı qırımtatar halqınıñ tarihı, medeniyeti ve tilini populârlaştırmaq içün pek müim alet yapa. Marafon tek maqalelerniñ sayısını arttırmaq degil de, malümat mündericesi standartlarınıñ kerekli seviyesini temin etip, olarnıñ keyfiyetini arttırmaq içün yapıldı", — dep aytıla haberde.
Marafonda iştirak etmek içün qayd etüv formasını toldurmaq kerek. Bundan soñ, 2025 senesi qara qış ayınıñ 12-27 künleri teklif etilgen maqalelerni yaratıñız ya da yahşılaştırıñız. Bütün iştirakçiler mukâfatlar ve suvenirler içün küreşe bileler.
Telegram, WhatsApp ve Facebookta Suspilne Qırım haberlerine abune oluñız
