İndoneziyada qırımtatarlar aqqında vesiqalı filmni çıqarmağa planlaştıralar. Anda Qırım tarihı, medeniyeti ve insan aqları, em de qırımtatar halqınıñ qarşılaşqanı meseleler aqqında söz yürsetilecek.
Qırımtatar Milliy Meclisiniñ matbuat hızmeti bunı bildirdi.
O qayd etti ki, İndoneziya ziyareti çerçivesinde Qırımtatar Milliy Meclisiniñ reisi Refat Çubarov uquq qorçalayıcı İrmi Hutabaratnen jurnalist ve cemaat erbabı Tamilya Aliscahbanen intervyü keçirdi.
"İntervyu Ukrainada qırımtatar halqı aqqında vesiqalı film azırlamağa başlattı. Filmde tarihı, medeniyeti ve insan aqlarınıñ müim tarafları, em de qırımtatar halqınıñ, hususan Rusiyeniñ Qırım işğali şaraitinde, qarşılaşqanı meseleler muzakere etilecek", — dep bildirildi.
Meclis şunı da qoştı ki, leyha vatandaş cemiyetiniñ keniş daireleriniñ ve siyasetçilerniñ, musulman cemiyetleriniñ diqqatını qırımtatar halqınıñ meselelerine celp etmege ve olarnıñ aqları ve serbestligi içün küreşine diqqat ayırmağa niyetlene.
Telegram, WhatsApp ve Facebookta Suspilne Qırım haberlerine abune oluñız
