İlk qış ayınıñ 23-nde Rusiyede YouTube video hızmetiniñ blok etilmesi aqqında belli oldı. Aynı zamanda işğal etilgen Qırımda yerli sakinler platformanı qullanıp olamağanından şikâyet eteler.
Bu malümatnı Suspilne Qırımğa Rusiyedeki menbaları tasdıqladılar.
Qayd etilgenine köre, video hızmetini kompyuterden qullanmaq imkânsız, cep telefonında ise, evelden VPNVirtual şahsiy ağ açılğan soñ, video saifeleri endirile, amma pek yaramay.
Qoşayıq ki, Rusiye Federatsiyasında YouTubege kiriş 20%ge qadar eksildi. Video hostingini yalıñız ücretli ve keyfiyetli VPN vastasınen qullanmaq mümkün, bedava versiyaları ise bir daqqadan çoq olmağan video baqmağa imkân bere.
Hatırlatamız ki, yazda işğal etilgen Qırım sakinleri YouTube işini toqtatqanından şikâyet ete ediler. "İnternews-Ukraina" cemaat teşkilâtınıñ raqamlı telükesizlik mütehassısı Alina Yelveterova Suspilne Qırım izaatında Qırım sakinleri özlerine endire bilecek VPNlerni cedvelge aldı: ExpressVPN, NordVPN, Proton VPN, Mullvad VPN ya da Private Internet Access, em de qullanıcılarnıñ trafigini bir qaç kere şifrlegen bir qaç serverden keçirgen Tor Browser.
Telegram, WhatsApp ve Facebookta Suspilne Qırım haberlerine abune oluñız
