İşğal etilgen Qırımnıñ Kezlev (Yevpatoriy) rayonında (evelki Saq rayonı) Mamay (Kamenolomnâ) köyü yanında Rusiye arbiyleri, yaqarlıq ve arbiy tehnikası saqlanğan anbarlarını ücümlerden qorçalamaq içün çeşit tedbirler alalar, dep "Ateş" arbiy-partizan areketi iddia etti.
Areket ilk qış ayınıñ 20-nde öz Telegram kanalında bunı bildirdi.
Partizanlar, işğalcilerniñ yarımadada öz arbiy tehnikasını temin etmek içün qullanğanı yaqarlıq anbarını tapqanlarını qayd eteler, koordinatları: 45.244016337, 33.400615787.
"İşğalciler ücüm etseler, aqibetlerni eksiltmek içün tedbirler alalar: ağlarnı sızdırıp, tankerlerniñ üstüne qum qutularını qoyıp, ücüm etseler, yanğın çıqmasın dep tırışalar. Bu kibi taktikalar yarımadadaki pek çoq arbiy obyektte r**istler tarafından qullanıla", — dep aytıla haberde.
"Ateş"niñ bildirgenine köre, areketniñ agentleri Rusiye arbiyleriniñ bu obyekti aqqında malümatnı "doğru eller"ge berdiler ve endi "operatsiyanıñ nevbetteki basamağı"nı azırlaylar.
Telegram, WhatsApp ve Facebookta Suspilne Qırım haberlerine abune oluñız
