KezlevЄвпаторія yañnda olğan Uyutnoye köyünde rusiye arbiy bölüginiñ territoriyasında işğalciler 5N84A ve "Mudafaa-14" radiolokatsiyalı stantsiyalarnı yerleştirgenler. "Ateş" partizanları iddia etkenleri kibi, bu stantsiyalar ava saasınıñ nezaretini ve telükelerge acele cevap berilmesi içün RF-nıñ komandanlıq noqtalarına malümatlarnıñ alıp berilmesini temin eteler.
Bunıñ aqqında arbiy-partizan areketi, ilk qış aynıñ 14 Telegram-kanalında haber ete.
"Bu obyekt, Qara deñiziniñ üstündeki ava saasınıñ üzerinde nezaret etüvinde ve işğalcilerniñ arbiy ameliyatlarnıñ koordinatsiyasında müim rolüni oynay. Bu bazanıñ mahv etüvi, rusiye işğalcileri içün duyulğan bir uruşı olıp Ukraina Mudafaa Quvetlerine Qırımda raşistlerniñ arbiy obyektleri boyunca daa semereli uruşlarnı yapmağa imkân yaratır", – denile beyanatta.
Daa "Ateş" iddia etkeni kibi, areket agentleri "bu bazanıñ istihbaratını bir qaç sefer keçirip Ukraina Mudafaa Quvetlerine malümatlarnı alıp bere ediler". Neticesi, 2024 senesi qara qış aynıñ 4 obyekt boyunca muvafaqiyetli uruşı olğan.
Telegram, WhatsApp ve Facebookta Suspilne Qırım haberlerine abune oluñız
