Boliviya aslı olğan ukrain yırcı Mişel Andrade, "Serbest Qırımğa mektüpler" teşebbüsi çerçivelerinde siyasiy mabusı Rustem Osmanovnıñ mektübini oquğan. Qırım tatarını işğalciler 2024 senesi saban ayında qanunsız sürette tutıp aldılar.
Telegram-kanalında videonı Qırım MC-de Ukraina prezidentiniñ temsilciligi paylaşqan.
"2024 senesi saban ayında qanunsız sürette tutıp alınğan siyasiy mabuslarnıñ soy-soplarınıñ "Qırım birdemligi" birleşmesiniñ jurnalisti ve ATR telekanalınıñ sabıq hadimi. Rustem, 2014 senesi soñra siyasiy sebeplerden açılğan davaları boyunca qanunsız makeme oturışlarnı faal sürette ziyaret etip siyasiy mabuslarınıñ ailelerine yardım etken edi", – denile beyanatta.
Şimdi Rustem Osmanovnıñ bulunğan yeri belli degil. Soñki malümatına köre, işğalciler qırım tatarını Aqmescitteki 2-ci tahqiqat tevqifhanesinden daa boş aynıñ 5 qanunsız sürette alıp köçürgenler.
Hatırlatayıq ki, saban aynıñ 5 kütleviy tintüvlerniñ yañı dalğası olıp keçken. Bağçasarayda tahqiqiy areketler "Qırım birdemliginiñ" faallerinde ötkerilgen, Canköy rayonında ise – din erbaplarında. Bundan soñ 10 qırım tatarını Aqmescitteki milisniñ işğal bölügine alıp ketirdiler.
Keççe Aqmescitteki işğal makemesi, 2024 senesi mayıs aynıñ 5 qadar Memet Lümanov, Aziz Azizov, Mustafa Abduramanov ve Rustem Osmanovnıñ tevqifi aqqında qararını alıp çıqarğan.
Umumen işğal etilgen Qırımda saban aynıñ 5 sabasında olıp keçken tintüvler ve tutıp aluvlarından soñ 24 bala, babasız qalğan.
"Hizb ut-Tahrir davası"nıñ altıncı Bağçasaray gruppasınıñ mabüsleri aqqında ne bilemiz
Saban ayınıñ 5-nde saba maalinde Bağçasaray ve Canköy rayonlarında uquq qorçalayıcılar 10 qırımtatarnıñ evinde tintüv keçirdiler. Aynı o künü makeme olardan dörtü - qırımtatar faalcileri Memet Lümanov, Aziz Azizov, Rustem Osmanov ve Mustafa Abduramanov içün tevqif tedbirini sayladı. Olarnı SİZOğa yolladılar.
Daa soñra makeme Canköy ve Canköy rayonınıñ tutulğan sakinlerini SİZOğa yolladı: Enver Halillayev, Nariman Ametov, Ali Mamutov, Cadra köy camisiniñ imamı Vahid Mustafayev ve Arsen Kaşka.
Sabıq imam Remzi Kurtnezirovnıñ hastalıqları sebebinden ev apsine alındı. Tutulğan on kişiniñ episi Rusiyede yasaq etilgen Hizb ut-Tahrir islâm firqasınıñ iştirakçisi ola. Tutulğanlarnıñ çoqusı, çoq balalı qorantalarnıñ babaları ola.
Hizb ut-Tahrir – islam fırqası. 2003 senesi Rusiyede onı terroristik teşkilâtı olaraq tanıdılar, oña alâqalı olğanlarını ise – taqip etmege başladılar. İştirakçılarnı "esas qanunına qarşı faaliyeti" ve "dünyaara hilâfet" degenini teşkil etmege ıntıluvında qabaatlaylar. 2014 senesi soñra Qırımnıñ işğalinden soñ işğalciler öz qanuniyetiniñ işini zapt etilgen Qırımğa da tarqattılar. Hizb ut-Tahrirge alâqasında qırım musulmanlarını da qabaatlamağa başladılar, böyleliknen, yarımadanıñ işğalinen razı olmaması sebebinden qırımtatarlarına basqısını quvetleştirip.
Telegram, WhatsApp ve Facebookta Suspilne Qırım haberlerine abune oluñız
