Nıvkıdaki cami olaraq da belli olğan Kıyivdeki Ukraina musulmanları birleşmesiniñ/Qırım Musulmanları Diniy İdaresiniñ İslâm medeniyet merkeziniñ binası zarar körgen soñ tamir etildi. Bu sene berim ayında Kıyivge yapılğan kütleviy raketa ücüminde camige zarar ketirildi.
İlk qış ayınıñ 12-nde Ukraina musulmanları birleşmesiniñ matbuat hızmeti bunı bildirdi.
"Allâğa şükür! "Ukraina musulmanları birleşmesi" camisinde tamir işleri muvafaqiyetnen yekünlendi. İslâmnıñ Vazifesi toqtatılmay, Allağa ibadet etmek ise, sadıq ve namuslı insanlarnıñ er angi vaziyetke baqmadan eda etkenleri alicenap vazifesi ola", — dep aytıla haberde.
Hatırlatamız ki, bu sene berim ayınıñ 2-ne keçer gecesi işğalciler Kıyivge kütleviy bir raketa ücümini yaptılar. Ateşler neticesinde Ukraina musulmanları birleşmesi/Qırım musulmanları diniy idaresiniñ islâm medeniyet merkezi zarar kördi.
Ücüm saba saat 5ten soñ oldı. Patlama dalğası pencereler ve qapularnı qırdı, bir zalda tavan yıqıldı. Ücüm neticesinde yaralanğanlar yoq edi.
Qırım Yuqarı müftisiniñ ekinci muavini Vadım Daşevskıynıñ aytqanına köre, binanıñ pencereleriniñ 90%-i zarar kördi, binalarnıñ yarısından çoqusı tamir etilmek kerek edi.
