Qırım siyasiy mabüsi, "Hizb ut-Tahrir davası"nıñ ekinci AqyarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad (Sevastopol) gruppasınıñ mabüsi Zaur Abdullayevniñ sağlıq vaziyeti Rusiye apishanesinde keyfiyetsiz suv ve aşayt sebebinden bayağı fenalaştı. Qırımtatar taqiqat izolâtorında olğanda tişlerinen meselelerge oğradı, lâkin kerekli tedaviylev şimdilik paalı olğanı içün imkânsızdır.
Qırımtatar Maaliy Merkezine siyasiy mabüs Zaur Abdullayevniñ tuvğanları bu aqqında haber ettiler.
"Anda (SİZOda — muar.) bir qaç tişi çıqtı, apishanede ise tişi çıqarıldı. Advokat kelip, tiş ekimini çağırmağa teklif etti, amma o, bu pek paalı olğanı içün red etti", — dep tarif ettiler siyasiy mabüsniñ tuvğanları.
Rusiye apishanesiniñ qaidelerine köre, Zaur Abdullayevnen körüşüv yılda bir kere ola bile. Tuvğanları onı bu sene arman ayında körgen ediler.
"Yol bedeniy, maneviy ve maddiy ceetlerden boldurta, amma eñ esası — onıñ nasıl olğanını ve keyfiyetini añlamaqtır", — dep tuvğanları añlattılar.
Bundan da ğayrı, olar qayd ettiler ki, keçken sene boş ayda Zaur Abdullayevniñ davası boyunca istinaf oturışı olıp keçti, bu sene küzde ise kassatsiya şikâyeti berildi, lâkin üküm deñiştirilmedi.
Hatırlatamız ki, 2021 senesi arman ayınıñ 17-nde Rusiye quvetçileri beş qırımtatarnıñ evlerine keldiler: Cebbar Bekirov, Zaur Abdullayev, Rustem Tairov, Raif Fevziyev ve Rustem Murasov. Daa soñra Rusiye makemesi Cebbar Bekirovnı sert rejimli müstemlekede 17 senege maküm etti. Tairov, Abdullayev ve Murasov ise 12 senege maküm etildiler.
"Hizb ut-Tahrir davası"nıñ ekinci Aqyar gruppası aqqında ne bilemiz
2021 senesi arman ayınıñ 17-sinde işğal etilgen Qırımda rus quvetçileri, qırımtatarlarnıñ evlerini kütleviy olaraq tintken soñ beş qırımtatar adamını tuttılar: Aqyarnıñ Nahimov rayonından faalci Rustem Murasov ve Rustem Tayirov, Balıqlava rayonından Cebbar Bekirov, Bağçasaray rayonında faalci Zavur Abdullaev ve Aqmescit rayonından Reyif Fevziev.
O zaman Musarov ekinci kere tutuldı. Birinci kere 2016 senesi kiçik ayda tutuldı, amma birazdan azat etildi. Bu sefer ise faalci Rostov-na-Donudaki qırımtatarlarnıñ dava oturışlarından qaytqan soñ tutuldı. Öz halqınıñ temsilcilerini destek etmek maqsadınen o yerge ketti.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp ve Facebookta Suspilne Qırım haberlerine abune oluñız
