“Ateş” arbiy partizan areketi, işğal etilgen Qırımda Kezlevdeki yalısında istihbaratını keçirip yañı ateş mevzimleriniñ yaratılması ve noqtalarnıñ nezareti boyunca işğalcilerniñ faal areketlerini qayd etken.
Bunıñ aqqında areket, ilk qış aynıñ 8 öz Telegram kanalında bildirdi.
“Yarımadada vaziyetiniñ “butünle nezareti” aqqında işğalcilerniñ arizalarına baqmadan, bu tedbirler partizan areketiniñ belli ve yoq etilmesine yoneliş tutalar. Böyle kibi pekitmelerni faal sürette Qırımnıñ bütün ğarbiy yalısı, ayrıca Kezlev ve Qaradeñiz rayonlarında yaratalar”, – denile beyanatta.
“Ateş” areketi bildirgeni kibi, işğal quvetlerniñ quvetleştirilgen tedbirlerine baqmadan partizan faaliyeti devam etile. Areket iştirakçılarınen alıp berilgen malümatı, Ukraina mudafaa quvetlerine işğalcılarnıñ arbiy obyektlerini yoq etmege yardım ete.
Hatırlatayıq ki, “Ateş” arbiy partizan areketi, Novorossiyskteki RF Qaradeñiz flotnıñ arbiy-deñiz bazasınıñ yerini bilip oldı. Cenkâver gemilerniñ arasında “Admiral Makarov” gemisini de kördiler. 2022 senesi uvut ayında bu geminiñ kenarından RF ordusı, bütün Ukrana boyunca qanatlı raketalarını çıqarıp atqan edi.
Telegram, WhatsApp ve Facebookta Suspilne Qırım haberlerine abune oluñız
