İlk qış ayınıñ 6-nda saba Keriçte 10-20 daqqa aralığında üç patlama duyuldı. Birincilerniñ ekisi maqsatqa urğan kibi duyuldı, birisi ise, Ava mudafaası sistemasınıñ işine beñzey. Birinci patlama yerli vaqıtnen saba saat 7-de yüz berdi. Olarnı Keriç köpründen ve "Zalıv" zavodından eşite ediler.
Qırım.Aqiqat öz menbalarına esaslanıp bunı bildirdi.
Keriç köprü eki saatten çoq qapalı qala. İşğalli akimiyet ne vaqıt areketni ğayrıdan tikleycegini aytmay.
Haberniñ resmiy tasdıqlanması şimdilik yoq. Rusiye Mudafaa nazirliginiñ malümatına köre, ilk qış ayınıñ 6-na keçer gecesi Ava mudafaası quvetleri bir qaç bölgede 33 ukrain uçucısız aletini urdılar, olarnıñ arasında Qırım üzerinde bir alet tüşürildi. Qara deñiz flotunıñ ekipajları Qara deñizde eki insansız katerni yoq ettiler.
Telegram, WhatsApp ve Facebookta Suspilne Qırım haberlerine abune oluñız
