Перейти до основного змісту
"Kalibrler"nen devletke ateş açqan Ukraina ADQniñ sabıq zabitini maküm etecekler

"Kalibrler"nen devletke ateş açqan Ukraina ADQniñ sabıq zabitini maküm etecekler

Ukrainada 2014 senesinden soñ Rusiyege qoşulğan ve işğal etilgen Qırımdan grajdan obyektlerine raketalar ücümlerinde iştirak etken Arbiy-deñiz quvetleriniñ sabıq zabiti üzerinde makeme başlanacaq. Sabıq asker devlet hainligiUkraina Cinayet Qanunnamesiniñ 111-nci maddesiniñ 1-nci qısmı, 408-nci maddesiniñ 1-nci qısmı ve dezertirlikte qabaatlana.

Jurnalistik taqiqat merkezi (JTM) bu aqqında haber etti.

Prokurorlıq makemege Ukraina deñiz flotunıñ "Ternopil" suv astı gemilerine qarşı körvetiniñ sabıq komandanınıñ yardımcısına qarşı qabaat aktını berdi. O, 2014 senesi öz antını bozıp, Rusiye silâlı quvetlerine qoşuldı.

Cenübiy bölgeni qorçalav saasındaki Mahsus prokurorlıqnıñ qayd etkenine köre, 2014 senesi saban ayında sabıq zabit USQniñ komandanınıñ emrini yerine ketirmege red etti ve qısımnıñ yañı bulunğan yerine ketmedi.

"Soñra sabıq zabit, Rusiye Federatsiyasınıñ Silâlı Quvetleriniñ Qara deñiz flotunıñ 184-nci suv meydanını qorçalav brigadasınıñ "Dmitriy Roğaçev" qaravul gemisiniñ komandanı olaraq arbiy hızmetke razılığını berdi. Şu gemi, Ukrainağa qarşı silâlı tecavuzda faal ve vastasız iştirak ete", — dep, haber etti prokurorlıq.

Telegram, WhatsApp ve Facebookta Suspilne Qırım haberlerine abune oluñız

Топ дня
Вибір редакції
На початок