İlk qış ayınıñ 5-nci sabası Rusiye Qara deñizge eki gemisini arbiy hızmetke yolladı, olar "Kalibr" qanatlı raketasınıñ taşıyıcılarıdır. Azaq deñizinde ise işğalcilerniñ gemileri qayd etilmedi.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aq deñizde altı duşman gemisi bar, olardan dörtü - umumen 41 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine yedi gemi keçti, olardan 4-ü İstanbul boğazına areket etti. Qara deñizge ise bir gemi bile keçmedi.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
