İlk qış ayınıñ 4-nci sabası Rusiye Qara deñizge dört gemisini arbiy hızmetke yolladı, olar umumen 24 "Kalibr" qanatlı raketasınıñ taşıyıcılarıdır. Azaq deñizinde işğalcilerniñ gemileri qayd etilmedi.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aq deñizde altı duşman gemisi bar, olardan dörtü - umumen 41 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine 5 gemi keçti, olardan 2-si İstanbul boğazına areket etti. Qara deñizge ise 8 gemi keçip, olardan 7-si İstanbul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
