İşğal etilgen Qırımda Qarasuvbazar yapma gölüniñ benti suvnen alâqası olmağanı sebebinden bozulmaq telükesi altında buluna. Bu, qurucılıqnıñ deformatsiyasınıñ sebebi ola bilir ve qomşu topraqlarnı, şu cümleden Biloğirsk (QarasuvbazarRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerini telükege oğrata bilir.
Qırım.Aqiqat bu aqqında haber berdi.
Biloğirsk rayonınıñ topraqşınası, bent yanında suv olmağanınıñ sebebini añlattı.
"Belâ şunda ki, Qarasuvbazar yapma gölüniñ qurulışı "suvlı qıyışlar"ğa ait, yani, qullanuv qaidelerine köre, o, suvnen alâqada olmalı. Bilgenime köre, bentniñ içinde çamur bar, ve bu taş nem olmağanda pek qurur, bu ise levhalarnıñ deformatsiyasına ve atta yuqarıdan baqılğanda körüngen teren yarıqlarnıñ peyda olmasına ketire bile", - dep adınıñ bildirilmemesi şartınen topraqşınas tarif etti.
Onıñ aytqanına köre, suv anbarını tamir etmeden ğayrıdan tiklemek daa büyük meselelerge yol aça bilir.
"Böyleliknen, yapma gölü toldurılsa, bernt qurulışınıñ bozulması telükesi arta, bu ise büyük felâketlerge yol aça bilir, çünki Qarasuvbazar yapma gölünden aşağı, üç kilometr uzaqlığında, rayon emiyeti olğan Biloğirsk şeeri yerleşe", - dep müstehassıs qoştı.
O şunı da qayd etti ki, Tayğan yapma gölünde da buña oşağan bir vaziyet peyda oldı, anda uzun sürgen suv taşqınları neticesinde tamir işleri yapıldı. Bu sene oraq ayında, Qarasuvbazar yapma gölünde suv seviyesi bayağı tüşken soñ, Büyül Qarasuv özenine suv tökülmege toqtatıldı.
Orta küz ayında Rusiye gidrometeorologik merkezi bildirdi ki, Qırımnıñ yapma göllerinde anomal sıcaq sebebinden 11,3 million kubometr suv azlaştı.
Telegram, WhatsApp ve Facebookta Suspilne Qırım haberlerine abune oluñız
