Keçken gece vaqtınca işğal etilgen Qırımnıñ üzerinde Rusiye ava mudafaası vastaları bir uçucısız aletni urdı. Umumen Rusiye toprağında 47 dron tüşürildi.
Boş aynıñ 29-nda Rusiye Mudafaa nazirliginiñ matbuat hızmeti Telegram kanalında bu aqqında haber etti.
"29 uçucısız alet Rostov vilâyetiniñ, sekiz — Krasnodar ülkesiniñ, üçer — Belgorod, Bryansk ve Voronej vilâyetleriniñ ve bir — Qırım Cumhuriyetiniñ üzerinde yoq etildi", — dep bildirildi.
Telegram, WhatsApp ve Facebookta Suspilne Qırım haberlerine abune oluñız
