Ukraina istihbaratçıları vaqtınca işğal etilgen Qırımda 5 million dollarlıq "Podlöt" Rusiye mobil radiolokatsiya sistemasını yoq ettiler.
Boş aynıñ 28-nde Ukraina Mudafaa nazirliginiñ Baş istihbarat idaresiniñ matbuat hızmeti bu aqqında haber etti.
"Ukraina Mudafaa nazirliginiñ Baş idaresiniñ muvafaqiyetli ameliyatı neticesinde vaqtınca işğal etilgen Qırımnıñ şarqında Büyten (Kotovske) qasabası yanında "Podlöt" Rusiye radiolokatsiya sisteması yoq etildi", — dep bildirildi.
Bİİniñ qayd etkenine köre, 48Y6-K1 mobil RLSradiolokatsiya sisteması "podlöt" "qıyın mania vaziyetinde alçaq ve sıñırdan alçaq yüksekliklerde ava maqsadlarını tapmaq içün" qullanıla.
Yıqılğan kompleksniñ fiyatı 5 million dollarnı teşkil ete.
Telegram, WhatsApp ve Facebookta Suspilne Qırım haberlerine abune oluñız
