Vaqtınca işğal etilgen Sevastopolda ava telükesi ilân etildi. Rusiye kontrolindeki akimiyetniñ bildirgenine köre, Ava mudafaası sisteması çalışa, uçucısız aletler urıp tüşürildi ve viraneler tüşti.
Boş aynıñ 27-nde şeerniñ işğalli gubernatorı Mihail Razvojayev Telegram kanalında bunı bildirdi.
"Sevastopolda askerler USQniñ ücümini toqtatalar, ava mudafaası sisteması çalışa. İlk malümatqa köre, Şimaliy taraf rayonında eki ava maqsadı endi uruldı", - dep yazdı Razvojayev.
Ava telükesi lâğu etilgen soñ Sevastopolnıñ işğalli akimiyeti şeerge "birleştirilgen ücüm devam ete", dep bildirdi ve Pobeda parkı rayonında daa bir uçucısız alet tüşürildi, dep bildirdi.
Sevastopolnıñ qurtarıcı hızmetiniñ malümatına köre, Kaçınske qara yolu yanında Orlivka rayonında da yıqılğan parçalar qayd etildi.
Ava telükesi vaqtında şeerde deñiz ve topraq içtimaiy naqliyatınıñ işi toqtatıldı.
Telegram, WhatsApp ve Facebookta Suspilne Qırım haberlerine abune oluñız
