Rusiyeniñ federal telükesizlik hızmeti, cinayetçilernen beraber işğal etilgen Qırımda ukrainlerniñ qorquzdıruvı ve taqip etüvi içün yañı shemasını qullanmağa başladı. İnsanlarnı Ukrainanıñ faydasına "ekstremist faaliyetiniñ" maliyeviy desteginde qabaatlaylar, isbat olaraq "memurlarnıñ" imzalarınen sahte vesiqalarnı yollaylar.
Bunıñ aqqında Qırımtatar resurs merkeziniñ idare başı Eskender Bariyev Facebookta boş aynıñ 24 yazğan.
Bariyevniñ sözlerine köre, shema, böyle tarzda çalışmaqtadır: qurbanlarğa telefon açıp maliyeviy nezaret etüv rusiye hızmetiniñ hadimleri olaraq özüni adlaylar. İnsanlarnı "ekstremist faaliyetinde" şübelengen üçünci şahısınıñ adresine paralarnıñ qanunsız yollanılmasında qabaatlaylar. Daa çoq inandırmaq içün resmiy müür ve Rusiye maliyeviy nezaret etüvi müdir muavininiñ imzalı vesiqasında sahtelengen mektübini yollaylar.
"İnsanlarnı ruhiy ceetinde basqığa oğratalar ve insan, onıñ buna iç bir alâqası olmağanını isbatlağanca, ameliyatnı FTH hadimleri keçirseler, azaphanelerge oğray. Bunen cinayetçiler oğraşsalar, qurbannı tapıp meseleni "yahşı etip" çezip qapatmaq içün paralarnı talap etmege yetişeler", — bildirdi Bariyev.
Bariyev qayd etkeni kibi, bu shema — bir defa olğan vaqiası degil de, qorqutmaq içün sürekli bir aletidir. Aynı zamanda şuna diqqatını celp ete ki, işğal etilgen Qırımda cinayetçiler cezasız areket eteler. Eskender Bariyev, işğal etilgen Qırım ve üçünci ülkelerdeki sakinlerini tanış olmağanlarına işanmamaq ve belli olmağan insanlarğa para yollanılmasından vazgeçmege çağıra.
Telegram, WhatsApp ve Facebookta Suspilne Qırım haberlerine abune oluñız
