Ukrainağa qarşı Rusiyenen başlanılğan cenk, Ukrain devletiniñ ayırılmaz qısmı olğan Qırımnıñ işğalinden başlanılğan. Moskvanen esir etilgen halqlarnıñ birleştirüvi ve serbestlik oğrunda küreşinde demokratik ülkelerniñ destegi, rusiye ekspansiyasınıñ aşuvına çezilüvidir.
Bunı Refat Çubarov, 2024 senesi boş aynıñ 23 ötkerilgen mustaqil Çerkesiyanıñ quruvına bağışlanılğan ІІ Halqara konferentsiyasınıñ vaqtında ilân etken.
Çubarov qayd etkeni kibi, zemaneviy dünyada avtokratik rejimler ve demokratik devletler bir birine qarşı çıqalar. Bu ceette horlıq ve Rusiyeniñ kolonial siyasetini körgen halqlarnıñ birdemligi pek müim.
Öz çıqışta qayd etkeni kibi, bugünki zor bir vaqıtta rusiye imperatorlığı, soñra ise şurular birliginiñ, şimdi ise rusiye federatsiyasınıñ tarafından horlıq körgen halqlarnıñ tek öz arasında birdemliginiñ saqlaması degil, daa başqa halqlar ve demokratik devletlernen beraber olması pek müim.
"Asırlar evel olğanı kibi, qırımtatarlar ve çerkeslerniñ topraqlarnı işğal etip olarnıñ vekillerni yoq etken aynı duşmanı bar. Ve bu duşmanı, sabıq rusiye imperatorlığınıñ ve şuralar birliginiñ imperatorlıq siyasetini devam etken rusiye federatsiyası ola. Moskva, onıñ keçmişteki sıñırlarında rusiye imperatorlığını yañıdan qurmağa tırışıp Ukraina ve ukrain halqına qarşı cenkni başlağan. Kreml, bu cenkni qırımtatar halqınıñ vatanı ve Ukrain devletiniñ ayırılmaz qısmı olğan Qırımına ücüminden başlağan", – qayd etti Çubarov.
Qırımtatar halqnıñ Meclis adından o, çerkeslerni qırımtatarlarnıñ desteginde inandırıp Moskvanıñ kolonial siyasetine tirenüviniñ kenişleviniñ kerek olmasını qayd etken.
Telegram, WhatsApp ve Facebookta Suspilne Qırım haberlerine abune oluñız
