"Sarı şeriti" areketiniñ faalcileri hatırlatalar ki, Rusiye işğaline baqmadan, Aqyar, Aqmescit ve Yalta Ukraina olıp qala. Azatlıq ve Menlik Kününe bağışlanğan fotoresimler, olarnıñ tirenüvini tasdıqlay.
Areket boş aynıñ 22-nde Telegram kanalında bunı bildirdi.
"Tek umumiy ğayretimiz sayesinde biz ğalebe qazanacaqmız ve ukrain toprağımızdan natsistlerni quvıp taşlaycaqmız", - dep qayd eteler areketniñ vekilleri.
Hatırlatamız ki, Ukrainada boş aynıñ 21-nde qayd etilgen Azatlıq ve Menlik Kününe "Sarı şerit" cemaat areketi ukrainlerni vaqtınca işğal etilgen topraqlarnıñ, şu cümleden Qırımnıñ, sakinlerine qol tutmaq içün fleşmob teşkil etmege çağırdı. Aktsiyağa ukrain artistleri, yıldızları, uquq qoruyıcılar, studentler, ekimler ve ocalar qoşuldılar.
Telegram, WhatsApp ve Facebookta Suspilne Qırım haberlerine abune oluñız
