Aqyarnıñ işğalli gubernatorı Mihail Razvojayev, boş aynıñ 21-nde ava mudafaası quvetleri Qara deñiz üzerinde raketanı yoq etkenlerini bildirdi. Şeerde ava telükesi ilân etildi.
Bunı o Telegramda bildirdi.
"Evelki malümatqa köre, yalıdan bayağı uzaqlıqta "Neptun" gemige qarşı raketi tüşürildi", — dep iddia etti Razvojayev.
Aynı vaqıtta yerli sakinler Suspilne Qırımnıñ tefsirinde, bir patlama eşitkenlerini bildirdiler.
"Deñiz tarafından bir patlama bar edi, endi telüke bar, amma başqa taraf tınç", — dedi Aqyar sakini.
"Bir şeyni eşitken edim, amma ne olğanını añlap olamadım", — dep tarif etti Aqyarnıñ diger sakini.
Telegram, WhatsApp ve Facebookta Suspilne Qırım haberlerine abune oluñız
