"Ateş" arbiy-partizan areketi, işğal etilgen Aqyarnıñ Qamış ve Qaraz Körfezlerini istihbarat etkende, Rusiye Qara deñiz flotunıñ dalıcılar mektebi yanında "Pantsir S-1" ava mudafaası sistemasını tapqanını bildirdi.
Boş aynıñ 18-nde areket öz Telegram kanalında bunı bildirdi.
Partizanlar qayd etkenlerine köre, "Pantsir S-1" sisteması, neft bazasını, Rusiye Mudafaa nazirliginiñ arbiy yunus balıqlarnı ögretmek içün rejim obyekti, dalıcılar mektebi, talim bazası, silâ anbarları, Rusiye deñiz piyade 810-ncı brigadasınıñ logistika anbarları, tank poligonı ve ava limanını qorçalay.
Hatırlatamız ki, "Ateş" areketi Qırımdaki ava mudafaası bölüklerinden Rusiye arbiylerinden çoq haber alğanını bildirdi, iş subetlerinde bu bölüklerniñ bir qısmınıñ Rusiye Federatsiyasınıñ Kursk vilâyetine avuştırılması muzakere etile. Bundan soñ arbiyler "açıqtan-açıq ve Kursk vilâyetine avuştırılmaq istemey", dep bildirdi.
Telegram, WhatsApp ve Facebookta Suspilne Qırım haberlerine abune oluñız
