Çikagoda "Qırım — bu Ukraina" sergisi olıp keçti, iştirakçilerge Rusiye arbiyleri tarafından işğal etilgen Ukraina tamır halqı aqqında tarif ettiler. Tedbir Ukraina milliy müzeyinde olıp keçti.
Qırımtatar Foundation USAnıñ matbuat hızmeti bunı bildirdi.
Böyleliknen, tedbirniñ esas mevzu Ukrainanıñ tamır qırımtatarları ve qavmiy ukrainler arasındaki ayırılmaz bağlarğa bağışlandı.
"Bu eki halqnıñ asırlarnen birleştirilgen ananeleri, medeniy qıymetleri ve Ukrainanıñ kelecegi aqqında ortaq körüşüvi bar. AQŞnıñ Qırımtatar Milliy Fondunen işbirlikte teşkil etilgen aqşam, Ukraina topraq bütünligi ve medeniy mirasına bağlı olğan eki halqnıñ teren birligini numayış etti", — dep tarif ettiler teşkilâtçılar.
Olar şunı da qoştı ki, aqşamnıñ merkeziy vaqiaları, Qırım yarımadasında ve qırımtatar cemiyetinde 18-inci asırda yaşayışnı tasvirlegen dünya resimleriniñ siyrek kollektsiyasınıñ taqdim etilmesi oldı.
"Qırım Hanlığı devirinden qalğan qadimiy artefaktlar ve 1944 senesiniñ facialı yılından — qırımtatarlarnıñ öz ana-baba vatanından mecburen sürgün etilmesinden saqlanıp qalğan şeyler meraqlı edi. Sergi ziyaretçilerge Ukrainanıñ tamır halqı — qırımtatar halqınıñ zengin medeniyeti ve ananelerine dalmağa imkân berdi", - dep qayd ettiler teşkilâtçılar.
Telegram, WhatsApp ve Facebookta Suspilne Qırım haberlerine abune oluñız
