Qırımtatar halqınıñ lideri, Ukraina halq mebusı Mustafa Cemilev, Rusiye esirliginden azat etilgen "Azov" askeri Ğennadiy Harçenkonen körüşti ve ağır yaralanğan arbiy esirlerniñ cedvelini aldı.
Bunı Qırımtatar Milliy Meclisiniñ matbuat hızmeti bildirdi.
Belli olğanı kibi, cedvelde "Azov" polkınıñ 8 arbiy hızmetçisi bar, olarnıñ alı pek ağır. Ukrain arbiylerini Rusiye esirliginden azat etmege yardım etmesi içün, Mustafa Cemilev alğanı soyadlarını Türkiye prezidenti Recep Tayyip Erdoğanğa berecek.
"Şimdi men onı türkçege tercime etem ve prezident Erdoğanğa yollaycağım, o da azat etilüvge qol tutsın. Onıñ Putinen alâqaları bar, olar qonuşalar", — dep Suspilne Qırımğa Mustafa Cemilev bildirdi.
Böylece, Türkiye prezidentiniñ yardımınen 2022 senesi berim ayında "Azov" polkunıñ beş komandanı Rusiye esirliginden azat etildi, olar cenkniñ soñuna qadar Recep Tayyip Erdoğannıñ imayesi altında qalacaqlar.
Telegram, WhatsApp ve Facebookta Suspilne Qırım haberlerine abune oluñız
