Qırımtatar faalcisi, siyasiy mabüsi Server Mustafayevniñ ömür arqadaşı uquq qorçalayıcılarğa aqayı qanunsız ceza alğanı Rusiye müstemlekesiniñ sert tutuv şaraiti aqqında bildirdi. Qırımtatar vitamin qıtlığı, körme zayıflaşması ve tizlerinen bağlı meselelerge oğradı. O, aliy tasil almaq imkânından da marum etildi.
Mayye Mustafayeva Qırımtatar Maaliy Merkezine bunı añlattı.
Server temiz avağa çıqıp olamay, o, daima odada buluna. Küneş ışığınıñ olmağanı sebebinden siyasiy mabüsniñ D vitamini eksikligi peyda oldı.
Siyasiy mabüsniñ körme qabiliyeti de fenalaşa, ve daa ziyade teşkerüv içün onıñ tizlerinde qırğınlıq saqlanıla.
“Ayağınıñ yalı-valgus deformatsiyası sebebinden biz oña ortopedik ayaqqaplarını berdik, çünki adiy ayaqqapları oña kelişmey”, — dedi ömür arqadaşı.
Bundan da ğayrı, ruslar Server Mustafayevni aliy tasil almaq imkânından marum etip, ser tutuv şaraitinde qapattılar.
“O, oqumağa pek istey edi, kirdi ve birinci kursnı bitirdi, amma sert şartlar sebebinden onı çıqarıp attılar. Onıñ oqumağa devam ete bilmesi içün izin almağa tırışamız, amma bu mesele çezilmedi”, — paylaştı Mayye Mustafayeva.
Server Mustafayev aqqında ne bilemiz
Server Mustafayev, "Qırım birdemligi" cemaat birleşmesiniñ idarecisidir. Qırım siyasiy mabüsleriniñ ailelerine uquqiy, malümat ve içtimaiy-yaşayış ceetinden yardım ete.
2014 senesinden başlap Mustafayev, Qırımdaki vaziyetni muntazam tarzda nezaret ete be siyasiy sebepli makeme ceryanlarını aydınlata edi.
2018 senesi mayıs ayınıñ 21-inde quvetçiler evlerini tintip, Server Mustafayev ve Edem Smayilovnı tuttılar.
2020 senesi berim ayınıñ 16-sında Rostov-na-Donudaki Cenübiy bölge arbiy makemesinde qırım musulmanını 14 senege maküm ettiler.
Saban ayınıñ 14-ünde Vlasisadaki Apellâtsiya arbiy makemesi, qorçalayıcı tarafnıñ şikâyetnamesini baqıp, qanaatlendirmedi. Umumen dava çerçivesinde 45 makeme oturışı keçirildi.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp ve Facebookta Suspilne Qırım haberlerine abune oluñız
