"Sarı şerit" cemaat areketiniñ iştirakçileri Rusiye işğalcilerine Qırımnıñ Ukraina olğanını hatırlattılar. Faalciler yarımadada yüzlerce kâğıtçıq, levha ve graffiti tarqattılar.
Cemaat areketi öz Telegram kanalında bunı bildirdi.
Yañı levhalar Aqmescit, Aqyar, Gaspra ve Foros şeerlerinde peyda oldı, dep bildirdiler.
"Qırımnıñ farqlı şeerlerinde pek çoq yañı levha ve stiker peyda oldı. Şimdi olar ukrainalılarnıñ közlerini quvandıralar ve Aqmescitteki medeniyet universitetiniñ yanında, Aqyar, Gaspra, Foros soqaqlarında, yalılarında ve parklarında işğalcilerni qıynap turalar. "Sarı şerit" areketiniñ faalcileri sayesinde yañı insanlarnıñ sayısı artıp, qarşılıq ise ep artıp tura", — dep bildirildi.
Telegram, WhatsApp ve Facebookta Suspilne Qırım haberlerine abune oluñız
