"Ateş" arbiy-partizan areketiniñ bildirgenine köre, Rusiye işğalcileri Qırımda körfezlerni qorumaq ve gemilerini saqlamaq içün yañı mudafaa inşaatlarını quralar.
Bunı partizan areketi öz Telegram kanalında yazdı.
Olar, Rusiye ordusı Aqyarda Rusiye Qara deñiz flotunıñ limanlarını ve gemilerini qorçalamaq içün yañı mudafaa inşaatlarını qura, dep bildirdiler.
"Bu tedbirler işğalcilerniñ gemilerini tamir etmege istegenlerini köstere. Bizim işimiz yarımada yalısında Qara deñiz flotunıñ faaliyetini qayd etmek ve gemilerniñ bozulması içün operativ malümat bermeknen bağlı. Ukraina Mudafaa quvetlerinen işbirlikniñ semereliligini endi defalarca numayış ettik ve eminmiz ki, tezden bütün qalğan faşist "legenler"i batır", — dep qayd ettiler partizanlar.
Telegram, WhatsApp ve Facebookta Suspilne Qırım haberlerine abune oluñız
