Boş aynıñ 13. sabası Rusiye gemilerini Qara deñizge arbiy hızmetke çıqarmadı. Azaq deñizinde de işğalcilerniñ gemileri yoq.
Ukraina Silâlı Quvetleriniñ Arbiy-deñiz quvetleriniñ matbuat hızmeti Telegramda bu aqqında haber etti.
Aynı zamanda Aq deñizde eki Rusiye gemisi bar, olardan biri 8 "Kalibr" qanatlı raketasınıñ taşıyıcısıdır.
Bundan da ğayrı, keçken künü Rusiye Federatsiyasınıñ menfaatları içün Keriç boğazından Qara deñizge 18 gemi keçip, olardan 5-i İstanbul boğazına areket etti. Azaq deñizine Keriç boğazından ise 5 gemi keçti, olardan 4-ü İstanbul boğazına areket etti
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
