"Ateş" arbiy partizan areketi bildirdi ki, Qırımda Rusiye işğalcileri daa evel terk etilgen "Gorodok-7" arbiy obyektini zapt ettiler. Yarımadanıñ Rusiye ordusı tarafından işğali vaqtından berli o, boş qaldı. Böylece rusiye işğalcileri zırhlı tehnikasını gizlemege tırışalar.
Bunı partizan areketi öz Telegram kanalında yazdı.
Areket qayd etti ki, Kezlevdeki Rusiye işğalcileri Ukraina mudafaa quvetleriniñ ücümlerinden qorqıp, arbiy obyektni zapt ettiler. Böylece, Rusiye ordusı arbiy tehnikasını yarımadanıñ farqlı qısımlarına tarqatmağa tırışa.
"Gorodka-7"de partizanlar çoq sayıda maskalı zırhlı tehnikanı kördiler.
"Bundan da ğayrı, ruslar etraftaki yedekten tehnikasını bütün rayonğa tarqatalar. İşğalciler, arbiy hızmetçilerniñ qullanğanları qızdıruv çadırlarını quralar. İşğalciler ukrain quvetlerini şaşırtmaq içün, çoq sayıda eski arbiy tehnikasını körümli yerlerde, yollar ve tarlalarda yerleştirdiler. Amma, andaki bizim işimiz sayesinde Mudafaa quvetleri aktual malümat alacaq", — dep bildirildi.
Telegram, WhatsApp ve Facebookta Suspilne Qırım haberlerine abune oluñız
