"Sarı şerit" areketiniñ faalcileri işğal etilgen Qırımda faaliyetini devam eteler, şeerlerniñ soqaqlarında Ukrainağa qaytmaq içün küreş ve ümütni hatırlatqan şiarnameler ve vatanperver timsallerini tarqatalar.
Orta küz ayınıñ 25-nde areket, öz Telegram kanalında bunı bildirdi.
Keçken künü Yalta, Aqmescit ve Aqyarda işğalcilerge qarşılıq köstermek çağıruvınen 100-den çoq levha tarqatıldı. Plakatlar ve sarı şeritler Yalta deñiz parkında, Aqmescitniñ mesken evleriniñ azbarlarında, soqaq ve meydanlarında, em de işğalli memuriyetlerniñ binaları yanında peyda oldı.
"İşğalniñ 10 yılına baqmadan, insanlarımız teslim olmaylar, işğalcilerge qarşılıq köstermege devam eteler ve USQni bekleyler", — dep qayd ettiler areketniñ idarecileri.
Telegram, WhatsApp ve Facebookta Suspilne Qırım haberlerine abune oluñız
