Qırım Muhtar Cumhuriyeti ve Aqyar şeeri sakinleriniñ aqları vekâletlisiniñ temsilcisi Elvin Kadırov Türkiyede milliy azlıqlarnıñ aqları boyunca onuncı yıllıq konferentsiyada ağır hasta qırım siyasiy mabüsleriniñ cedvelini berdi. Şimdi olarnıñ sayısı 40 kişi.
Boş aynıñ 7-nde Ukraina ombudsmanı Dmıtro Lubinets bunı Telegramda bildirdi.
Siyasiy mabüslerniñ cedveli berilgen edi, böylece Türkiye olarğa tibbiy yardım köstermek ve olarnı azat etmek içün ilerideki areketlerge yardım ete bile.
"Elvin Kadırov qayd etti ki, bugün qanunsız olaraq maküm etilgen 40-tan çoq Ukraina vatandaşı tibbiy yardımğa muhtac, olarnıñ çoqusı — tamır qırımtatar halqınıñ vekilleridir", — dep qayd etti o.
Bundan da ğayrı, Türkiyedeki memurlarnen subetleşken Ukraina ombudsmanınıñ temsilcisi ayttı ki, ruslar qanunsız olaraq maküm etilgen Ukraina vatandaşlarını işkencege oğratmağa devam eteler ve mabüslerge kerekli tibbiy yardım köstermeyler, bu sebepten endi eki qırım siyasiy mabüsi elâk oldı.
Telegram, WhatsApp ve Facebookta Suspilne Qırım haberlerine abune oluñız
