İşğal etilgen Qırımda yapma gölleriniñ suv miqdarı keskin şekilde eksilmekte, bu ise yarımadada yaqın yıllarda büyük qurğaqlıqqa yol aça bile. Orta küz ayında suv seviyesi 8 million kubometrge tüşti, ve alimler suv aqımınıñ daa da eksilüvi aqqında ihtar eteler.
Vernadskıy adına KFUniñ Biohimyaviy tehnologiyalar, ekologiya ve farmatsevtika institutınıñ suv qullanuvınıñ himiyaviy tehnologiyaları kafedrasınıñ müdiri İllâ Nikolenko bunı bildirdi, dep Malümat muqavemeti yazdı.
Onıñ malümatına köre, orta küz ayında yapma göllerindeki tabiiy aqım 116 million kubometrge qadar eksildi. Qırımnıñ cenübiy yalısındaki suv aluvı da kritik seviyede qala, 1981 senesinden bile alçaq.
"Bu sene orta küz ayında miqdar sekiz million kubometrge eksildi, berim ve arman aylarında er ay 15 million kubometrge eksildi", – dep qayd etti Nikolenko.
"Suv tehnologiyaları" ilmiy-içtimaiy şirketiniñ müdiri Anatoliy Kopaçevskıy qayd etti ki, 2025, 2026, 2027 ve belki de 2028 seneleri yapma gölleriniñ aqımınıñ eksilüvi, yağanaqlarnıñ eksilüvi ve ava arareti tüşüvi beklenile.
Telegram, WhatsApp ve Facebookta Suspilne Qırım haberlerine abune oluñız
