Qırımnıñ işğalli akimiyeti yerli sakinlerge qarşı repressiyalarnı sertleştire. Orta küz ayınıñ 19-ndan boş aynıñ 4-ne qadar Qırımda eñ azdan 9 yañı tutuv adisesi qayd etildi. Qabaatlavlar arasında — "casuslıq", Rusiye silâlı quvetlerini "itibardan tüşürüv", "devlet hainligi" ve ilâhre.
Böyle malümatnı Qırımtatar Maaliy Merkezi berdi.
Uquq qorçalayıcılar, işğalli akimiyet qırımlılarnı taqip etmege devam ete, nezaretni sertleştire ve tutulğanlarnıñ şahsiy malümatına irişüvni qıyınlaştıra, dep qayd eteler.
Yaqalanmaq içün sebepler çeşit ola:
- "casuslıq" — 1 adam tutuldı;
- "Ukrainağa maliyeviy yardım kösterüv" — 1 adam tutuldı;
- Rusiye silâlı quvetlerini "itibardan tüşürüv" — 1 adam tutuldı;
- Ukraina istihbaratına "yardım etüv" — 1 adam tutuldı;
- "cinayet ıntıluvı" — 3 adam tutuldı;
- "devlet hainligi" — 1 adam tutuldı;
- "bala terbiyesi boyunca vazifelerni becermeme" — 1 adam tutuldı.
Telegram, WhatsApp ve Facebookta Suspilne Qırım haberlerine abune oluñız
