İşğalli quvetçilerniñ aytqanına köre, Saqta mektep talebesi Rusiye ordusını "itibardan tüşürgen" ve Rusiye bayrağını aqaretlegen video yayınladı. İşğalciler onıñ anasına memuriy ceza berecekler.
Qırımnıñ işğalli İçki işler nazirliginiñ matbuat hızmeti bunı bildirdi.
İşğalli müessiseniñ malümatına köre, içtimaiy ağlarda 10 yaşındaki qıznıñ videosını çağına yetmegenlerniñ işleri bölüginiñ hadimleri taptılar. Onıñ müellifi, yerli mektep talebesi edi. Cinayetçiniñ yaşı köz ögüne alıp, 38 yaşındaki anası "memuriy mesüliyet"ke çekilecek.
"Qadınğa, çağına yetmegen balanı östürmek ve terbiyelemek borcunı yerine ketirmegeni içün memuriy protokol tizildi. Polis hadimleri tarafından toplanğan bütün materiallar Saq şeeriniñ çağına yetmegenlerniñ işleri memuriy eyyetiniñ baqılmasına berilecek", — dep bildirildi.
Telegram, WhatsApp ve Facebookta Suspilne Qırım haberlerine abune oluñız
